علق الإعلامي عمرو أديب على تطورات الأوضاع في غزة قائلا: “محدش يقول نحارب أو منحاربش، لو تم الاعتداء عليك هتكون نار على زيت حار، إحنا مش بنعرف نتضرب ونسكت، وكل اللي بينا وبين بيت نتنياهو دقيقتين ونص”.
وخلال تصريحات ببرنامجه “الحكاية” تابع أديب: “لو هنضرب بعض إسرائيل هيشوفوا أيام أسود من “قرن الخروب”.. وإحنا هنتعب برضو.. قرار الحـ..رب مش سهل”.
وواصل أديب: “إحنا رجعنا أرضنا بالحرب.. أنت مش عارف إن مدن القنال كلها اتهجرت وقت الحرب؟.. محدش يطلب نحارب وأنت بتلعب في صوابع رجلك”.
واختتم: “إذا كتب علينا القتال نحارب وكل فلوسنا وحياتنا لبلدنا.. المصري يدافع عن أرضه وسماءه وكل شيء”.
