كشف أحد ضحايا حادث مطاردة الواحات الجديدة، تفاصيل الحادث الذي وقع معه عندما حاول الدفاع عن الفتاتين عندما كانت إحدى السيارات تضيق عليهم الطريق خلال السير.
أحد ضحايا مطاردة الواحات الجديدة يكشف التفاصيل
وقال أحد ضحايا مطاردة الواحات: كنت ماشي في الطريق ولقيت عربية بتزنّق على عربية تانية فيها بنات، فضلت أكلكسلهم عشان يبعدوا عن بعض، وحسيت إن في حاجة غريبة، ودخلت ما بينهم لقيت البنت بتحاول تهرب من العربية التانية.
وأضاف: دخلت بعربيتي بينهم وعدّيت العربية بتاعة البنات، وبعدنا عن العربية التانية، وقلت خلاص الموضوع خلص، لكن بعد ما مشينا شوية لقدّام، لقيته جاي بسرعة وخبط عربيتي، وفقدت السيطرة عليها، وقفت على جنب، قام جاي بسرعة وخبطني تاني، وخبط كمان عربية البنات وجري.
وأستكمل ضحية حادث مطارة الواحات الجديدة: أنا اتصابت بعد الخبطة التانية، وروحت المستشفى وقدّمت بلاغ رسمي، العربية اللي كنت سايقها بتاعة شركة النقل اللي بشتغل فيها، وهو دمّرها، ومش عارف أنا عملت له إيه عشان يعمل كده.
